بسمة مصرية

أشخاص تكيل بالمكيالين ف الدنيا لاقيين حَظهم ماشيين شمال ماشيين يمين بينفذ الكون أمرُهم ما تشوفشى منهم أى لين والظلم تلميذ عندهم لو أغلى آية من ياسين ما تهز لحظة عرشهم دا الغدر نُقطة ف بحرهم والسم مسموم منهم فيهم كُرَات سودة كتير دايماً بتجرى ف دمهم بس الغريب ف المسألة تلقى كتير فيه أسئلة مالهاش إجابة ف الحياة لكن معاهم حل أصغر مشكلة بالبيضة لاعبين والحجر ويدوٌقوا العين السهر وف عُرّفُهم الشمس بنت صغيِّرهة متشعلقة ف كُم القمر واثقين قوى أن العقول مَخلوقة ليهم وحدهم والباقى دول حبة بقر حتى القدر واقف تملى ف ضَهرهم وكإننا مش معدودين ضمن البشر والدنُيا مخلوقة فُرص عصفورة ف الإيد عَندهم أغلىَ من الواقفين على غُصن الشجر شىء مش غريب أو معجزة إنك تشوف فيهم وبا ف الكدب فاتحين مدرسهة وفنون خِدع مترتبهة ما بيسمعوش ولا يضحكوش دا لأنهم شاكين بإن الضحك نوع ضمن الربا والكل فيهم مُنّتشى وبينصبوا كام مشنقة للى ما هوش عاش مُرّتشى أو زادله طَقه ف العشا أو حتى فَكّر يختشى يبقى مصيره للشقىَ أما حبايبهم بقىَ الوضع فيه شىء مختلف لا فيه أمور متعقده أو حد ريّشُه يتنتف لو شخبطوا حتى بقلم بيكون دا فن وموهبه والحق دا شىء مكتسب ولا يوم بيعتبروه هبه فين المبادئ عَندكم ليه كل شىء فيكوا اختلط وأنتم جنابكم كُلكم فيكم قلوب دبش وزلط فيكوا مكابره من عجب وبتغضبوا كل الغضب لكن قريب النار هتمسك ف الحطب بُكره التاريخ هيذلكم والكل يهرب منكم وهتعرفوا جداً خلاص أشياء كتير فيكم غلط