بسمة مصرية

عايزين نائبنا يعيش معانا ومقيم معروف للدايره بإخلاصه مستقيم يكون سعيه للبناء عدوا للتحطيم يكون صادق وقلبه لمصرنا سليم *** تحت القبة لسانه كلابس الأحرام قلبه عن الكذب دوما يكون صوام يناقش دوما يتفق يختلف باحترام يكون صوته لبناء مصر انسجام *** يحب فى الدايرة مصالح الناخبين فى المصانع يشغل كل العطلانين يراقب التعليم والمحليات والتموين يوجه للصح بلا ضغط ولا تلسين *** الحصانة تكون سياج تحت القبة يناقش بجرأة لكل صالح بلا رهبة وبراه ينسى الحصانة يزداد محبة دستورنا قال كلنا سواء ولا نخبة *** عايزين وعوده بإخلاصه تتحقق كرهنا وعود واهية وكلام متزوق عايزين كل أجنبى لنيلنا يتشوق بالأمن يحيا وحب مصر يتسوق *** عايزين نائب يعشق إنكار الذات يحب إزالة الفوارق بين الطبقات يلمح فى حب مصر كل الملزات يزرع الأمل بالعمل نجنى خيرات