نداء الشهيد

[TheEgyptian Duke]

أنا الشهيد بنادى بناشدكم من فؤادى حقى راح يا ولاد بلادى دنا فى جيشك ضهرى اتقسم نصين ولسا بدافع عنك وده العادى أو قايم رايح شغلى منا غلبان ومليش فى الحلال فيكى إلا السكادى أو رايح اشجع أنا وصاحبى ماحنا برضو بيجمعنا نادى وعشان لا انا ابن بيه ولا ليا ضهر حقى دايما منداس ذبحونى من غير رحمة كالخراف شافونى كلب مش ناس قصدى يعنى هم الكلاب اللى استحلوا دمى وصبوه وهوسخن وشربوه فى كاس جماعات حقيرة مستترة خلف قناع الدين أيان كان اسمها داعش أو حماس وراها تنظيم اكبر هدفهم الفتنة ماهى عالم مات فيها الإحساس فلسطين لبنان وراها سوريا ودلوقتى مصر مستغرب ليه! ماهى أم الأوطان أنا بصرخ باسمك يابلدى فين حقى يا بلد الأمن والأمان يابلد بيتسمع فيها دايما صوت الجرس مع الاذان ماتسكتيش يابلدى أنا بصرخ فيكى يا بلد الانجيل والقرأن ماتبكيش يا أمى أنا عند ربك الرحمن ده ربك بصير وعارف فين الحقير افتخرى بيا وارفعى راسك دنا ابنك الشهيد